بأمارة ايه = بقلم الشاعر / مجدي فرحات -- تحياتي جدو عبدو

بأمارة ايه = بقلم الشاعر مجدي فرحات

 ====
بأمارة ايه خوفك عليا 
وحافظه ودي وودادي
بأمارة ايه

==
عشتي يوم لفرحي
آه من غشك وكدبك
وانين جرحك بعمري

==
انا كان ذنبي ايه
عذبني هواك وحبك
وانا باسقيك حناني

==
وانت بترويني غدرك
ولا كنت معاكي اناني
بأمارة ايه

==
بتطلبي تاني حناني
وليلي سهران بجرحك
حبك زود ليا احزاني

==
مشوفتش غير صدك
مين يرجع ليا ايامي
بامارة ايه

==
اصدق يوم كلامك
ياجارحه ليا احساسي
تعبني والله غشك

==
لو حد تاني مكاني
كان نسي سيرتك
ومعاكي بقا اناني
بامارة ايه

==
اداوي جرح قلبي
انسى ويوم اسامحك
باقي ايه من ايامي
اسقيه كاس مرك
بامارة ايه

==
ادق تاني بابك
ويتوه العمر باحزاني
انا مصدقت هجرك
حبك ياما اعياني
بامارة ايه
==========
بوح مجروح
مجدي فرحات