عودة الشباب
========
اه لو تعود من تانى يا شباب لكنت وغد من الاوغاد
وغيرت مجرى فى حياتى وبقيت شهير قوى وفلاتى
ممكن ده ألعب فيها كورة واحترف فيها بسهولة
وابقى صحيح كده مارادونا او حتى ميسى من الجونة
ويشجعونى ب الهوبا والعب فى دورى لاوروبا
وبعد الضنا كده والملاليم اتباع بعملة وبالملايين
والعملة يورو كده ودولار أما الجنيه دايما فى النار
وابقى واحد من المشاهير واتعب ضرورى من التصوير
ويطلبونى ساعات وساعات تصوير لفيديو وإعلانات
ويبقى شعرى غزير وكبير وأعمل فى قصات للمشاهير
والبلية تلعب بقى بيا وتبقى حبيبتى النقدية
وابقى بسرعة كده حريف وأكل كباب محشى فى رغيف
وأشهر فى أهلى يعنى وعيلتى ودراستى برضه كده وبيئتى
يعنى المدد يجى كده بالعون ويوماتى أحرز شهرة وجون
ويقولوا يعنى واد فنان بيجيب كتير كده فى ألاجوان
ولو فى ده حظ بالتاكيد أروح بقى فى ريال مدريد
برازيل ألمانيا وايطاليا فرنسا روما وإسبانيا
وبعدها ممكن اجرب وادى فى خبرة وادرب
او حتى ممكن ابقى مذيع لقناة كبيرة فى التوزيع
واحيى فى ضيوفى ب ألو واللت والعجن فى التوك شو
واشعلها ولعة ده ليلاتي وابعت سلامى وتحياتى
وأفضل أقدم كده لساعات يوماتى فاصل وإعلانات
وأجندة خاصة ومداخلات وفلوس كتيرة باتصالات
والدخل يبقى كبير وكتير ملايين براتب التوفير
ويكون ده عندى فريق إعداد بيضم أحمد ويا سعاد
وبرامجى هادفة وفيها نيشان وأعمل قضايا لرأى عام
واتصل كده بمسؤولين ويخافوا منى شمال ويمين
ويصقفوا لى مع الأيام وابقى برضه نجم الإعلام
او حتى ممكن كده فنان واطلع وامثل فى الافلام
ومعجبينى كده بالملايين ويدفعوا لى بالملايين
ويقولوا يعنى الواد محمود بقى نجم برضه من هوليود
افلام وفيديو ومسلسلات برامج كتيرة وإعلانات
يعنى الحياة تبقى هنية شهرة وأفلام تجارية
والبنك يبقى هو صديقى وفيه يكون كل رصيدى
ويسقط التوك توك والميكروباسات وتحيا دى فخامة العربات
اه لو تعود من تانى يا شباب لكنت وغد من الاوغاد
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
0 التعليقات :
إرسال تعليق