م تهَمِّلــينيــش ... ( عاميّه )
******************
أحدث قصيده كتبتها لحبيبيتي ( مصر )
يامهَمّلاني ، وسايباني لوَحدي ...
على مَهــلِك ... مَ تهَمّلــينيش
كارهاني ، وناسياني مَ تِهدِي
وباندهلِك ... م تكلِّــــــمينيش ....
..........................
أنا عُمري م ف يوم هَمّلتِك
ولا فوق حِمْلــِك أنا حَمّلتِك
وباشيل عنّك ... م تشيّلينِيش
هوّه انا لو يوم أقدر ......
أقعد من غير م أفكّر .....
فيكي زي الدراويش .....
كنت ابكي عليكي ، وابكّيكي
وبدمّي افديكي ، وأرويكي
حلّفتك بالله عليـــــــــــكي
خلّيكي ، وم تهمِّلــــينيش
..........................
د انا لحم كتافي من خِيرِك
وهدّتني الغربه ... مع غيرِك
وف عشق هواكي انا أسيرِك
ومكاني ، وعنواني .. مصيرِك
تسيبيني لوحدي أنا ووجدي !!!
وأدوّر عليكي م الاقيكـــــيش !!!!!
طاب دا انتي هنايا سبب سَعدي
يا أحلى ما يمكن تتشـــاهدي
دا انا عاصي .. معاكي بقيت مَهدي
وف سُهدي ... متبهدلينيش ......
على مين بتجري ، وتتنافسي ؟
وبادوّر عليكي هنا ف ( نَفْسي )
وادوّر ليه ... م بالاقيكيش ؟؟؟؟
على مَهلك .... م تبهدلينيش
لأني انا من غيرِك بصراحه ....
وحياتِك ... ( م اقدرش أعيش )
.....................
0 التعليقات :
إرسال تعليق