أغنية .... ( يرضِي مين ) ..... عاميّة = الشاعر رفعت أبو العلا -- تحياتي جدو عبدو

أغنية .... ( يرضِي مين ) ..... عاميّة

.........................................

يرضِي مين ...

اللّي عَمَلتُه ... يرضِي مين ؟

ياللّي لِيك ...

انا عُمري عِشتُه ، والسِنين

يوم حلاوه ،

ويوم قَساوه ،

ويوم مِغمّس .. بالحنين

******************

عُمر بحالُه ...

مقضّياله ...

شُوق ، ولَهفَه

حتّى ف خياله ...

انا راسمالُه ....

شروق ، وخِفّه

يروح ، ويخفَى

ما يفتِكِر ..

شُوقي الدَفِين

يرضي مين ...

اللّي عَمَلته ... يرضِي مين ؟

ياللّي لِيك ...

انا عمري عِشتُه ، والسِنين

يوم حلاوه ،

ويوم قساوه ،

ويوم مغمّس .. بالحنين

********************

سنين طويله ...

عِشتها معاك ... بحبّي

واغزل لك الشوق ...

ف أحلامَك

وكل ليله ...

باستَنّاك ... ياقلبي

واقول لك : دُوق

هَنَا أيّامَك

لقيتَك جارِِح

سايبني ، وسارِح

من امبارح

سارح فين ؟

ورايح فين ؟

وودّيت عقلَك

بس لمين ؟

وسايبني دمعه ...

بتتسرِق ..

من جُوّه العين

سارح فين ...

ورايح فين ...؟

وانا زي شمعه

بتتحرق ....

لهفه وأنين

وانت فين ..

من دا كلّه ،

ويرضي مين ؟

يرضي مين ...

اللّي عملته ... يرضِي مين ؟

ياللّي ليك ...

انا عمري عِشتُه ، والسنين

يوم حلاوه ،

ويوم قساوه ،

ويوم مغمّس .. بالحنين

******************

خلي بالَك ...

انا متحمّله دَه ...

غَصب عنّي

وعلشان عِيالَك ..

انا مِتأمّله ..

تشيل ده منّي

خلّي بالَك ...

لو لفّيت ..

الدُنيا بحالها

والاّ خيالك ..

ليه لبّيت ..

ثانيه لجمالها

لا يمكن تلاقي ..

قلب تاني ..

زي قلبي

قلب باقي ..

بحب ، وتفاني

كمان مربّي

هوه ده يعني ...

جزاء إخلاصي ليك ؟

والاّ ده يعني ...

عشان إحساسي بيك ؟

آآآه ياطيبة قلبي ..

اللّي رسم صورتَك جوّاه

وآآه يا إخلاصي وحبّي

اللّي اتقَسَم حُبّك ويّاه

آه ياشوقي الحزين

آه ومعاه الحنين

آه ياسكّة خطوتي

آه يا حيرة شكوتي

وشكوتي تاهت ..

منّي فين ؟

يرضي مين ...

اللّي عملته ... يرضي مين ؟

ياللّي ليك ...

انا عمري عشته ، والسنين

يوم حلاوه ،

ويوم قساوه ،

ويوم مغمّس .. بالحنين

**************************

 الشاعر رفعت أبو العلا