يوم الفراق
مات الكلام
يوم الفراق
ما فيش غرام
ولا سلام
فيه اشتياق
وحنين لحب
قبل ما يبتدي مات
اليوم بقينا أغراب
امبارح الوقت عدى
والنهاردة دموع وعذاب
بالليل كنت بحب
والصبح بقيت مجروح
ابكي يا عيني دم
علي حبيب القلب والروح
الحب راح
الحلم راح
الفرح راح
واللي باقي
ذكري حزن
ذكري جراح
ما مات الكلام
وما فيش عتاب
ولا ملام
يا حزن ساكن جوا قلبي
رحل حبيبي
وسكنت جوا جوا مني
ليه نلوم ع الحب
دا هو اللي إختار يبعد عني
اللوم عليك انت يا قلبي
فتحت بابك
قولت حبايبي
أديك رجعت وحدك
أديك الحزن سكنك
لعرفت ترجع تاني
ولا الحب عرف سكنك
حمدي حربي
0 التعليقات :
إرسال تعليق