- تمثيلية = بقلم الشاعر / علاء حشيش ---------- تحياتى جدو عبدو

---------- تمثيلية -------------------
لما قالوا بكرة احلى من النهاردة
كنا مضطريين نصدق
كنا عايشين ف الامانى المنتهية
كان جوانا طاقة نور 
بس كانت مستحية
خايفة تحلم مرة واحدة
خايفة تصحى تكون ضحية
والقضية هى هى
قصة شعب عاش حياتة
فى الوعود النرجسية
بكرة احلى بكرة جاى
بكرة قادم بكرة فارد حضنة ليه
والقضية هى هى
نقوم ونصحى وبكرة يجى
وبعدة عدى والوعود هى هى
والحقيقة ف كلمتين
عيشونا فى تمثلية
عيشونا ف وهم بكرة من زمن
لما كنا ف عمر الزهور
م الطفولة للشباب حتى الرجولة
لما شيخنا لما شيبنا
حتى وافتنا المنية
والحقيقة هى هى
عيشونا ف تمثيلية
لما قالوا ثورة ثورنا ع الظلام
كان املنا بكرة يجى بالسلام
قايد شمعة ف حض ليل الحالمين
كنا فرحانين ببكرة
عشنا فرحة يوم يومين
قولنا لسة مكملين
اكتشفنا بعد منها
انها مجرد كلام
نفس الوشوش هى هى
نفس الملامح هى هى
والقضية هى هى
عيشونا ف تمثيلية
والضحية هى هى
علاء

 —