كل صدمة تاخدها يا قلب .. = كلمات .. سعد المهدي ..... تحياتى : جدو عبدو

كل صدمة تاخدها يا قلب .. 
تقضي على قلوب وقلوب
اقول يمكن ينسى الحب .. 
وسنين الحب ..! 
و يبعد عن الحب و يتوب
ألاقيك .. ترجع تاني .. تحن تاني
تحب تاني .. و تشتكي م المحبوب
افهم يا قلب .. ماتحيرني تاني
ابعد عن الحب .. ولا تزود أحزاني
دَ مافيش ياقلب حب ..
الا فـ القصص والأغاني
دا حوار ياقلبي ..
وللتمثيل مكتوب
صدّق يا قلب .. انسى الحب
وخَللي اسمه ... من قاموسك مشطوب
كل صدمة .. كلمات .. سعد المهدي