أوجاع الدنيا = الشاعرة / صفاء عبد ربه -------------------- تحياتى جدو عبدو

أوجاع الدنيا 
**********
أنا داير بأوجاعي بالف الكون 
مش النهارده ولا إمبارح 
دا من يومي . وأنا مظلوم 
ومهما تأسي الدنيا أو تغدر
أنا عمري ما بقدر أخون
ومهماً إن كان سرها عندي
عهد عليا لأصون
ولما تيجي تأمني
أكَدِب فيها سوء ظَني
وأقول يمكن دا من وَهمِي
وأخبي حُزنيِ فيها وِهَمي
وأخدها في أحضاني بصدر حنون
أدلعها وأهدهدها
وبالحب دايماً ازيدها
وهيا . وهيا تخون
لا توفي بِوعد
ولا تِبقيَّ علي عهد
ولا تعرَف مَرَه تصون
وأنا داير بأوجاعي بالف الكون
ما أنا من يومي فيها
وأنا حزين مظلوم

صفاء عبد ربه