حكايه الجاره = كلمات خالد الكردي ------------ تحياتى جدو عبدو

------

حكايه الجاره

-------
جارتنا خاله ام محمد
يوماتي عاملنا مشاكل

لو ماالتقت حد تشاكله
مع روحها تقعد تتشاكل

قولت لها تتهد شوية
ليه عامله دوشه وقلقاني

عمال ابلبع ف منوم
بالقاها واقفه وخوتاني

صوتك ده عالي ومش عاجب
هو انتي مشريا الحاره

ولا انتي بالعين والحاجب
ماسكه لنا طبله وزماره

هاعملك زار وارش بخور
وهاجيب لك كوديا وترقيكي

ومعايا حمار جر الحنطور
علشان تسكتي لو يرضيكي

وهاجيب لك ريا وسكينه
يخدوكي البيت ويخبوكي

ومعاهم حسب الله قريبهم
ويغنوا ياحسره عليكي

-----

حكايه الجاره

----
كلمات : خالد الكردي