احكي له يا زماني = كلمات .. سعد محمد المهدي ---------- تحياتى جدو عدو

احكي له يا زماني .. انا ايه اللي خلاني .. اقسم الحزن مقامات 
ايام وليالي .. وعمري الغالي .. عدى مني وفات 
وقصة حب .. لقلب حب .. وانخدع عشر سنوات 
وأحلام وأمال .. علو جبال .. انهارت من قوة الهزات 
ادام قلب .. لا داب ولا حب .. ولا دق فـ يوم دقات 
وغدر وخيانة .. وعدم امانة .. خارج نطاق الحسابات
كل دا وجاي .. تقوللي من تاني : ترجع تاني .. لا لا من رابع المستحيلات
وجاي تاني .. تقوللي من تاني ترجع تاني .. دا من رابع المستحيلات
احكي له يا زماني .. انا ايه اللي خلاني .. اقسم الحزن مقامات
********************************
مش هقول : انك .. عذبتني .. جرّحتني .. عرّضتني .. لكل انواع الصدمات
لا .. انت كمان .. دمرتني .. وجعتني .. قتلتني .. و صدمت القلب .. اندبح ومات
كل الاماكن اللي زرتها .. كل الليالي اللي عشتها .. كلها كانت لها حكايات
كل الكلمات اللي كتبتها .. كل الضحكات اللي ضحكتها .. كلها علمت علامات
جيت بغدرك بدّلتها .. ضيّعتها .. مسحتها .. و سبت مكانها دموع وأهات
كنت فاكر اننا .. لما يطول عمرنا .. وحنا مع بعضنا ..
هنحكي عننا .. قصص وروايات
دلوقتي اعمل ايه .... والا اقول ايه .. وانا ما اصبح عندي ..
ولا امتلك حتى الذكريات
احكي له يا زماني .. انا ايه اللي خلاني .. اقسم الحزن مقامات
حتى الذكريات .. كلمات .. سعد محمد المهدي