---ومش هاقبل--------
كتير تبعد وتنسي اني يوم موجود
وهجرك لية م الاخر مالوهش حدود
ومش هاقبل---------
ومش هاقبل اكون كلمه ف كراسك
ولو هتجيني وتقوللي انا ناسك
هاسيبك لما يوم تبكي وتتألم
ومن نفسك هترجع لية وتسلم
وهارفض مش عشان مجروح
عشان انت كمان رافض بحبي تبوح
كلامك لية كان عايم مابين ايوه وبين لاء
هاقولك بص م الاخر خلاص عندي ومش فارقه
تغيب تبعد وتنسي اني محتاجلك
فا مش هاقبل خلاص مابقتش اشتاق لك
ومش هاقبل---------
ومش هاقبل اكون كلمه بدون احساس
مجرد كلمه في حروفها وف الكراس
ومش هاقبل اكون لك اسم ف الدفتر
تغيب عنه وترجع وقت ماتفكر
خلاص انسي خلاص الوقت متاخر
ومش هاقبل اكون لك ورده ف كتابك
ومش هاقبل اكون ذكري
انا كسرت محرابك
انا العاشق انا الحالم
انا رافض معاك بكره
ومش هاقبل اكون صوره
تكمل بيها البومك
ولا هاقبل اكون برفان
تعطر ريحته بهدومك
ولا هاقبل اكون مكياج
تداري من وراه لونك
انا كنت ف هواك فرحه
وياما شاركت انا همومك
ولو في الوحده انا عيش
فاكرم لي واشرف لي
ولا اقبل ابقي ع الهامش
------- ومش هاقبل----
كلمات
خالد الكردي
0 التعليقات :
إرسال تعليق