--------------
بقيت قاسي
-------------
وليه عاوزاني اتحمل واقول حاضر
ورافضه حتي اتكلم واكون صابر
خلاص مابقتش باشتقالك
وعن بعدك بقيت قادر
ما دام منك عايش مظلوم
ومن حضنك كمان محروم
ولما اسهر عشان اشوفك
بالاقي عينيا عاشقه النوم
وانا جمبك مابافرحشي
وبانساكي وباقوم امشي
ولو شوفت ف عينيكي دموع
ماباهتمش ما باحزنشي
ومابتفرقش لو غبتي عليا كتير
ما مات احساسي مابقيتشي عليكي اغير
وحتي لما بافتكرك
مابالقاش وقت للتفكير
خلاص حبك بقي ف قلبي ماهوش موجود
وكرهي ليكي بقي واضح مالوهش حدود
ولو احساسي يوم خاني
لقيتني بنيت مابينا سدود
من الاخر بقيت عاصي
وفاقد كل احساسي
عشان نكراني ف وجودك
فمات قلبي وبقيت قاسي
-----
----------------------
بقيت قاسي
------------
بقلم
خالد الكردي
0 التعليقات :
إرسال تعليق