وحشتيني
*********
وحشتيني
وحشتيني ياأمي
وحشتيني
بشوفك كل يوم بمنامي
بشوفك في كل أحلامي
واقفه قدامي
بتبتسمي
ومن غير ماتتكلمي
عليا بتسمي
وإيدك تَطَبطب
علي صدري تهَديني
علي كتفي تقويني
والتانيه علي جبيني
بترقيني
وتفضلي الليل
جنبي سهرانه
ما تغفلي عني وماتنامي
تصليلي وتدعليلي
ربي بحفظني ينجيني
ومن شرور الناس يحميني
ومهما كان ألمك
تخبيه عني ماتخبريني
لحد الصبح تصحيني
وتدعيلي وأنا خارجه
دعوه تفتحلي البيبان السَادَه
ويكفيني شر عين الناس
ودايماً أكون عاليه
ومايوم أنظلم وأنداس
وأخرج وإنتِ تستنيني
لحد ماأرجع . تطمني
وفي حضنك تضميني
ومهما عني تداري
باأحس بخوفك وقلقك عليا
ب
اأحس بألمك وإنت ضمه إيديا
ونبع حنان من شهدك
يطمني علي الدنيا إللي أنا فيها
والوحشه فيها كنتِ عني تخبيها
وحشتيني
وحشتيني ياأمي
وحشتيني يارحمه ليا في الدنيا
دا لما الدنيا تضيق بيا
ألاقي في حضنك الحنيه
أرتمي بصدرك وأنام
لأحصد منه الحنان
ودفئ قلبك يحسسني الأمان
ياأمي
أنا حزين من يوم ما سبتيني
مش لاقي إيدك
في الليل تغطيبي
ومن البرد تحميني
ولما أمرض تداويني
وتدعي الرب يشفيني
وتقول شيل عنها يااااااارب
شيل عنها وأديني
دا هيا روحي ونور عيني
زخر عملي في الأخره
وأنا دلوقتي متاخده
لكون حقك ماوفيت
وساعتها ماينفع فيها ياريت
وحشتيني ياأمي
وحشتيني
صفاء عبد ربه
0 التعليقات :
إرسال تعليق