افرح يا قلبي مرة .. كلمات .. سعدالمهدي ... تحيات جدو عبدو

افرح يا قلبي مره .. وانسَ أحزاني ..

ممكن يا قلبي والله .. تعشق تاني ..

يمكن يا قلبي المرة .. بيصالحك زماني ..

حبيت ياقلبي .. كام مره .. !

وكل مرة تبقى مُره ..

جرب يا قلبي المرة .. 

واعتبرها أخر مره ..

أحسن يا قلبي .. ما تفضل كدا وحداني

أفرح يا قلبي مره .. وانسَ احزاني ..

ممكن يا قلبي .. والله تعشق تاني

*************

عيش الحب يا قلبي .. وسيبك م الماضي ..

أنا مش عايش كده يا قلبي .. وانت فاضي 

مين تسأل عليه ؟ .. مين تهتم بيه ؟ ..

مين لما يزعل .. تطبطب عليه ؟ ..

مين .. هتحب تنظر فـ عنيه ؟ ..

ارجع يا قلبي .. وحاول تاني ..

افرح يا قلبي مره .. وانسَ احزاني ..

ممكن يا قلبي والله .. تعشق تاني

*************

طول عمرك يا قلبي .. بتحب 

وياما كتير غنيت.. للحب ..

ما تاخدش الحب بذنب .. 

حبيب قاسى ع الحب

واحد .. لحبيبه خان .. 

والتاني عليه هان .. 

وياما أحِبَّة : في أمان..

عايشين .. حب في حب ..

عيش يا قلبي .. واحيي شرياني ..

افرح يا قلبي مره .. وانسَ احزاني ..

ممكن يا قلبي والله .. تعشق تاني

*************

افرح يا قلبي مرة .. كلمات .. سعد المهدي