إسال روحك
************
إسال نفسك
إسال روحك
إسال كل جروحك
مين إللي موت حبنا
مين إغتال حلمنا
مين خان الوعد
وإللي غدر بالعهد
وضيع أجمل سنين عمرنا
مين ومين ومين
إسال نفسك
إسال روحك
كنت أقرب مني ليا
روحي . قلبي ونور عينيا
كنت كل إللي ليا
ماكان لي غيرك بالدنيا ديا
كنت أخاف وأقلق عليك
كنت أموت لو يوم بَكيت
وإنتَ مُش باقي عليا
بايعني ومش شاريني
تِسعَد بألمي وأنيني
ولا يوم تهتم بيا
مش دا إنت ؟
ودا إللي بينا ؟
ساكت ليه ؟
جاوبني
رد عليا
حاسبني
أوحتي عاتبني
ولو غلطانه
فهمني
علمني
لكن ما تغدر وتسيبني
النهارده أنا عايشه بينكم
بكره بعد موتي
ايش راح يفدكم
راح يكون الندم هوا حصادكم
راح يكون الالم من نصيبكم
بعد ماتعرف
قد ايه كان حبي ليك
قد ايه كانت ثقتي بيك
قد ايه إتحملت وصبرت عليك
كنت باقيه
كنت شاريه
كنت علي وعدي
حافظه عهدي
ماأكون غير ليك
صفاء عبد ربه
0 التعليقات :
إرسال تعليق