قصيدة تعظيم سلام = الشاعر محمدحليم -- تحياتى جدو عبدو

قصيدة تعظيم سلام

تعظيم سلام وكمان تمام

لنصابين والمحتالين اللي سرقوا قوت الشقانين

اللي باعوا ارضها وجردوها من الامان

ياما وعدوا كتير غلابه والوعود تطلع كلام 

تعظيم سلام وكمان تمام

يا معدمين حتي الضمير وفوق ترابها سجنين

وسط الميدان ما شفانا فيكم كام مناضل او شهيد

دايما تقولوا ع الغلابه ده مش ولادها دول عبيد

ولو يوم صرخنا اخر صرخنا قضبان حديد

تعظيم سلام وكمان تمام

للي خلوا ترابها ارخص للخواجه

وتمنها غالي علي ولادها الغلابه

اللي دمه سايل في المعسكر والشوارع

تعظيم سلام وكمان تمام

الشاعر محمدحليم