قصيدة الكلمة = ياسر شرف- كبير محررين مترجمين -- تحياتى جدو عبدو

قصيدة الكلمة
========
الكلمة طلقة تهد جبال

وتأثيرها يوصل كده فى الحال

صحافة كانت او أعلام

او فيس تويتر انستجرام

سلاح بتستخدمه كده أجيال

بالفتنة يعنى يغير حال

بكذبة بيضا او شائعات

ممكن تخلى الحى ممات

وفى الميديا يعنى

وتلفزيون ممكن

بكلمة تهز الكون

وبين دول او حتى أشخاص

تشعل حروب تهدم فى أساس

مفروض دى مهنة وشريفة

دلوقت خطرة وخبيثة

صحفى بيكتب كده مانشيت

هدفه يخلى العقل يشت

وناس تخلى الحبل يفك

وتنم دايما عالفيس بوك

انا عقلى طار وتمالى يفط

من كذب كلمة تذيع وتمط

فين المثل والقيم ده زمان

وميثاق صحافة بدون بهتان

والأصل هو ضعف إيمان

وسماع فى وسوسة الشيطان

ايه اللى غير حال عن حال

والفتنة صاحية فى كل مكان

ويقولوا عنها ده جيل رابع

وحروب سياسة بسلاح رادع

تحرق وتدمر بسهولة

بفتنة سودا ومعلومة

وبدون لا طلقة وخسائر

كله بيصبح كده ثائر

واعداءنا بتبص علينا فرحانة وبتدعى علينا

واحنا نقتل بعضينا بغباء وجهل ده مالينا

لأى حد صاحب كلمة راعى ضميرك فى الكلمة

تأثيرها ممكن يرجع لك

فى بيتك وعملك او أهلك

واخرتها

برضه ليها حساب

لما تقابل رب العباد

=========

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون