لحظه صفا-------- بقلم خالد الكردي -- تحياتى جدو عبدو

------------

لحظه صفا

---------
بعد اما غابت عني 
وانشرخ الجدار
والقلب سلم
للفراق والانهيار
وف ليله جات لي
ف المنام بتقول
بافكر ف انتحار
قولت لها حاسبي
ده يبقي كفر
قالت لي شوفت
الليل نهار
والصبر مل الانتظار
واما الدموع يوم دبلت
سحر العيون
جرحت خدود الورد
صابه الاصفرار
رسمت علي خط الافق
صوره عمار
مابقاش بايدنا الاختيار
مكتوب علينا بنتولد
رغم الظروف
حاسين بخوف
متمنين نشوف ف اخر عمرنا
لحظه صفا
في قلوب بتحلم بالوفا
زمن القروش
حول مشاعر قلبنا
لرصيد حساب جوه البنوك
تاه الحنان فيه واختفي
------------لحظه صفا--------
بقلم
خالد الكردي