فـ الطريق إليك .. كلمات .. سعد المهدي -- تحياتى جدو عبدو

(فـ الطريق إليك)

سفر وبعاد .. لآخر البلاد ..

وشوق يا حبيبي .. فـ القلب زاد

وسكة طويلة .. في رحلة طويلة ..

الساعة يا حبيبي .. في بُعدك ساعات

بلاد تعدي .. وبلاد تفوت

وفكر يودي .. يسافر بلاد

وذكري جميلة .. لليالي جميلة

عشت فيها .. معاك .. ساعات 

مشتاق يا حبيبي .. مشتاق إليك ...

للبسمة من شفايفك .. للنظرة فـ عينيك

وانا يا حبيبي .. فـ الطريق إليك

*********

عودة بعد غربة .. عودة بعد دمعة .. وقولة آه

من رحلة وحيدة .. لبلاد بعيدة .. ويوم باستناه

لليالي طالت .. في دنيا كانت .. من غير حياة

عودة لحبنا .. وهنانا وسعدنا .. 

وبيت ضمنا .. وأجمل حياة 

لزمنا الحبيب .. البعيد القريب 

واول مرة .. عليه اغيب 

عودة يا حبيبي .. عودة إليك

وانا يا حبيبي .. فـ الطريق إليك

فـ الطريق إليك .. كلمات .. سعد المهدي