خدي قلبي وإفتحيه = بقلم الشاعرة الراقية / صفاء عبد ربه -- تحياتى جدو عبدو

خدي قلبي وإفتحيه
*****************
خدي قلبي وإفتحيه
هتلاقي صورتك 
إنتِ إللي فيه
عارفه إنتِ بالنسبه له إيه
مش هاقولك
روحي إنتِ وإسأليه
إسمعيه !!!
بس أمانه تصدقيه
راح يقولك
إنك الكون باللي فيه
إسمعي نبضاته
وهيا بتقولك إرحميه
إنتِ ليه دايماً تظلميه ؟
خدي قلبي وإفتحيه
وإكتبي إسمك عليه
بس عهد عليكي ياغاليه
إن تصونيه
تحفظيه !!!
وإوعي تاني تجرحيه
أو في مره تخدعيه
وبالغالي دايماً إشتريه
ما تبعيه
أو تفرطي فيه
ومنك تضيعيه
وحد تاني يميل عليه
إنتِ عارفه !!!
إنت بالنسبه له إيه
خدي قلبي وإفتحيه
ماإنتِ أللي ساكنه فيه
كُنتِ دايماً تسهريه
وترمي بهمومك عليه
تزعجيه وتقلقيه
وتعدي نبضاته
تشوفي ناقص منها إيه
شوفي كان شيلك إيه
حب أكبر م الكون وإللي فيه
وإنتِ مش عارفه تصونيه
طب عدي دقاته دقه دقه
وإنتِ راح تحسي بيه
وإوعي تاني تِشُكي فيه
خديه وده أمانه
إن تصونيه ليوم القيامه
لأجل راح تتحاسبي عليه
إنتِ فاكره مين شريه ؟
مافي غيرك إنتِ
إللي في الدنيا دي ليه
خدي قلبي وإفتحيه
والله واحده
وحده عالم باللي بيه
هوا ليكي . وهايساعيكي
إتربعي !!!
إتربعي بس إنت فيه
وإوعي في مره تخدعيه
أو تنسي نفسك وتخونيه
ولو ف يوم قصرتي فيه
ربنا هوا أللي هايراعيه
ويحافظ عليه
خدي قلبي وإفتحيه
راح تعرفي إنتِ
بالنسبه له إيه
خديه وإسمعيه
ليه دايماً بتظلميه
إكتبي إسمك عليه
بس أوعي منك تضيعيه
أو في يوم تفرطي فيه
اشتريه بس بالغالي
دا ياما خد من عمري
أيام وليالي
كنتِ فيها تسهريه
خديه قلبي وإحفظيه
وإوعي تاني
تاني تشكي فيه

صفاء عبد ربه