قصــــــــيدة .......... مَـــــــدَدْ .......... عامـــــــيّة
في مَدح خير البريّة بمناسبة مولِده الكريم
مَدَدْ ... مَدَدْ ... مَدَدْ /// يارحمه للإنسانيّه
ياحبيبي يا محـــــمّد /// ياخير ما في البريّه
مدّنا يانبي بالمدد
يارب طالبين رحمتك /// ضَلِّل بيها عبادك
يا طه في يوم ميلادك /// حبّك في قلوبنا احتشَد
مدّنا يانبي بالمدد
إلحقنا بنورك ياطــــه /// دا الخلق رايحه متاهه
والنفس ناسيه اللّي سوّاها /// والكُتره بقت في العدد
مدّنا يانبي بالمدد
الدنيا واخدانا ف طوفان /// والكل ناسي انه ( فان )
والإنسان نسي انه إنسان /// والشك في قلوبنا اتولد
مدّنا يانبي بالمدد
دنيتنا ملتها البشاعه /// وآخرتنا محتاجه الشفاعه
والقبح غَطّى الوَداعه /// محتاجينك يانبي ( سَنَد )
مدنا يانبي بالمدد
وحياة حبيبك يارب /// توحّد (شَتات العرب )
وتنصر اللّي اتغَلب /// وترجّع كل اللّي شَرَدْ
مدّنا يانبي بالمدد
مدد ... مدد ... مدد /// يارحمه للإنسانيّه
دا العِدا لينا ( احتَشَد ) /// مدد ... مدد ... مدد
مدّنا يانبي بالمدد
***************************
الشاعر / رفعت ابو العلا
0 التعليقات :
إرسال تعليق