ملعون القلب -- بقلم خالد الكردي -- تحياتي جدو عبدو

-----------ملعون القلب -----------
ملعون القلب اللي يحبك 
ويفكر فيك
والعين اللي تشوفك ماشي
وتبص عليك
انا بالعن نفسي عشان تزعل
وارجع اداديك
ملعون القلب اللي يحبك
ويفكر فيك
ياعيون خدعتني وورتني
ف هواك الويل
وانا عشت احايل وادادي
كده صبح وليل
والقاك ف الاخر بتبعني
وانا ابقي شاريك
ملعون القلب اللي يحبك
ويفكر فيك
ملعون الحب عشان خاطرك
الفين ملعون
خلتني ف هجرك وف بعدك
عايش ف ظنون
وانا كنت مسلم بغرامك
الله يجازيك
ملعون القلب اللي يحبك
ويفكر فيك
راح ادور علي قلب يقدر
قيمه الاحباب
ولا عمره ف يوم يقدر يقفل
لهواهم باب
انا انت خلاص ابعد عني
مابقتش انا ليك
ملعون القلب اللي يحبك
ويفكر فيك

-------------ملعون القلب --------
بقلم 
خالد الكردي