صاحب خان = كلمات الشاعر عبدالواحد محمد ... تحياتي جدو عبدو

صاحب خان
,,,,,,,,,,,,,,,,,
صاحبى ياصاحبى 
يااللى وجعنى
ليه بتخونى 
وليه بتبعنى
ليه تغوينى
وتخلينى أنسى
أحبابى وناسى وأهلى
,,,,,,,,,,,,,,,,,,,,,,,
صاحب واكل عيشى وملحى
بيحفر حفره وفيها يرمينى
أسقيه كاس الشهد بأيدى
يجيب المر وبيسقينى
يسرق مالى وينكر خيرى
ويخطف منى أم عيالى
ليه يا رفيق الدنيا الأسيه
تطعن بأيدك ظهرى وقلبى
صاحب عمرى يا اللى بيعنى
,,,,,,,,,,,,,,,,,,,,,,,,,,,,,
لفيت كل موانى الدنيا
علشان أبعد عن أمثالك
وبعد سنين وأيام وليالى
رجعت أدور على أحلامى
لقيت سارق كل ماليه
وطمعان حتى ياصحبى فحلمى
ألف خساره عليك يازمان
بتعيشنى عذاب وألام
بعد وفائى وأخلاصى
ألا قى أيديه بتقبض نار
صاحبى ياصاحبى
,,,,,,,,,,,,,,,,,,,,,,,,,,
كلمه صاحب صبحت نادره
طلعت قصه ومكتوبه غنوه
راحت الدنيا وكل مافيها
ومابقاش باقى غير الأوهام
ألف خساره أنى عرفتك
وبان أصلك وطبعك بان
صحبى يا صاحبى
,,,,,,,,,,,,,,,,,,,,,,,,,,,,
كلمات الشاعر
عبدالواحد محمد