قصيدة أنت وانا للشاعر حمدي حربي -- تحياتي جدو عبدو

قصيدة أنت وانا للشاعر حمدي حربي

كنا بنتقابل هنا..

ايوه بنتقابل هنا أنت وانا

نهرب من عيون الناس

نعيش الحب والإحساس

و لا حد يعلم بينا ..

غير ربنا أنت وانا

المكان يفرح بفرحنا ..

يهمس بهمسنا ..

يتونس بوجودنا أنت وانا

وفجاة ..

قسوة قلوبنا علي حبنا

داق المكان علينا

ما بقاش يتونس بينا

وضعت أنت وانا

عم السكوت عم الظلام

ما بقاش بينا كلام

زعل علينا المكان

و علي حبنا أنت وانا

كنا بنقعد هنا

أكلنا وشربنا

بكينا وضحكنا

فرحنا وزعلنا

كله هنا يا مكان العشق

قولي راح فين

أحساس الامان

وحب اتعاهدنا عليه زمان

اياك تقول الحب كان يا مكان

حبنا راح فين حبيبي

والحب والهنا