مات الحلم = كلمات خالد الكردي -- تحياتي جدو عبدو

------------

مات الحلم

------
ومات الحلم جوايا
وليه الحزن كتفني
ونزلت مني دمعايا
وعيني حالفه ماتشوفني
شراع املي بيتكسر
وكل منايا غرقانه
وقلبي جوه يتحسر
وحتي الدمعه حيرانه
وانا تايه ومش عارف
وخطوة حلمي تتاخر
بقيت من بكره انا خايف
لاكون للنمل يوم سكر
كلامي ع الورق شايب
وليه ف الحزن انا دايب
وليه حظي معاندني
كاني لحظي مش عاجب
واصدق او ماصدقشي
خلاص عندي ماتفرقشي
نصيبي م الحياه خدته
هييجي ميعادي
يوم وامشي
طالما الحلم جوايا
خلاص بيموت
ورمز الكلمه باشاره
مكانها سكوت
وحتي الضحكه بتعدي
مابافرحشي
يعدي اليوم
كرهت النوم
مادام ف النوم
ماهاحلمشي
مالوهش لزوم
كمان الحلم
وانا المرسوم علي ملامحي
رتوش تجاعيد من الماضي
وراح العمر ع الفاضي
ومات الحلم
------مات الحلم ----
كلمات
خالد الكردي