رسالة ندم للشاعر حمدي حربي
قالو لي جات تسأل عليك
و الدموع ماليه عينيها
فضلت تدور عليك
وكانت حالتها حالة
و لما جات تمشي
سابت ليك رسالة
ورقة و عليها دمعة
مكتوب فيها .. ندمانة
سامحني يا روح قلبي
أنا أسفة
ان كنت بكيت عينيك
أنا غلطانة
ياريت ارجع ليك
أديني ندمت وراجعه
مقدرتش أعيش بعديك
النهاردة عرفت قيمتك
و عرفت مواقف رجولتك
عرفت قيمة الحب عندك
ومش هابعد تاني عنك
نزلت دمعة من عيوني
ازاي أسامح قلب خني
و ازاي أأمن ليكِ تاني
ما انتِ عرفتي تخوني
ياللي جرحتي قلبي
في عز حنانه
ياللي هجرتي حبي
في أحلي أيامه
ياللي نسيتِ قلبي وأحلامه
أديني قلب تاني
ابدأ بيه حياتي
أعيش بيه معاكِ
قلب صفحة بيضة
مش مكتوب فيه خيانة
رجعوا ليها الرسالة
ولو جات هنا تاني
قولولها غيرت عنواني
وبقيت إنسان تانى
فيه جرح في قلبه
ونسي الحب أوهامه
ولا يمكن أرجع تاني لناره
الشاعر حمدي سيد حربي
0 التعليقات :
إرسال تعليق