ظلمتك.. ياحظ .. كلمات .. سعد المهدي ... تحياتي جدو عبدو

ظلمتك ياحظ 
ظلمتك ياحظ .. حقك عليا .. ربي يسامحني 
معرفش انك هتيجي يوم ... كده وتصالحني 
معلهش ياحظ .. انا ياما قلت عليك كلام 
وياما حسيت وظنيت ان مافيش .. بنا سلام 
مانا ياحظي .. كنت فاكر اني مظلوم
ومن نعيم الدنيا .. حاسس اني محروم
اتعذبت كتير .. ياحرام !
اتعذبت .. بفراق وهجر وخصام
وياما ليالي .. من وحدتي مليت
وعلى حالي .. عيوني دمّعت وبكيت
حسيت ان حياتي كلها ظلام في ظلام
اتاريك ياحظ .. مخبي لي .. ضحكة كبيرة ..
فرحة كبيرة .. مفاجئة كبيرة .. ولا فـ الاحلام
هو دا طبع الإنسان .. يتعجل الفرحة تيجي قوام
معلهش ياحظ سامحني .. انا ياما قلت عليك كلام
ظلمتك.. ياحظ .. كلمات .. سعد المهدي