عالم تيت = بقلم الكاتب والأديب / ياسر شرف- كبير محررين مترجمين بالاذاعة والتلفزيون -- تحياتي جدو عبدو

عالم تيت
======
كان لى عالم وهو صديق

أبحاثه جامدة بشكل عميق
وتجاربه على الفرخة والديك

ولقبه برضه الدكتور تيت
وسألته عن سبب التنشيط

مابين أجيال بتشق طريق
والتكنولوجيا بين كل فريق

بتزيد فى حركة بشكل رشيق
وقال لى ده نشاط الذرات

بتزيد بسرعة بانشطارات
وفى المخ برضه ايونات

بتتحد بس بدرجات
تعكس حضارة مجتمعات

وصراع تحكم لاعتبارات
والشكل أصبح كله جديد

بالتكنولوجيا والتخطيط
يعنى الحروب مابقيتش بأيد

لكن بخسة وشكل جديد
وقلت له ازاى يا بعيد

اشرح بدقة وبالتحديد
وقال لى يعنى تكنولوجية

بأصل طاقة كيميائية
ممكن بتنشر فى الذرات

فى الجو تطلع وبدرجات
تدخل على العقل بتركيز

وتؤدى إلى فوبيا وتهييس
زى ما تشرب يعنى حشيش

وافيون يصهلل او هيروين
تقتل خلايا التركيز وتسلب

ارادة لشاب وعريس
ويبقى التحكم كده لبعيد

بس بإشارة وبالتحديد
والكود ده اسمه التفتيت

والشكل ثورة وكله يزيط
وتلاقى اخ بيقتل أخوه

وممكن فى امه او حتى أبوه
وشباب مهيس ليل نهار

يشرب يشيش باستهتار
وتشوف تحرش فى الأفكار

وكمان تطرف بإستمرار
وظهور عناصر كده وجماعات

بمفاهيم غريبة وتكتلات
وثورات ربيع كده عربية

وشبكات تواصل عنكبوتية
الحاد وكفر مع إدمان

وتدمير مقنن للشبان
وافكار غريبة بشكل كبير

تسعى لفوضى والتقسيم
والبلطجة عنوان وشعار

والغلبة برضه للاشرار
حتى بتظهر فى الأفراح

شماريخ تولع ليل ونهار
وشباب دى راكبة موتوسيكلات

على عجلة واحدة تسوق بالذات
وغرز حوادث عربيات

بتأثير وزايد لمنشطات
حتى الأغانى والحوارات

تنطيط وحركة بالاشارات
وكأنه زار وماليه عفاريت

وكله بيطلع بالتنطيط
وطاقة كامنة وسلبية

لا فيها فايدة او إيجابية
ويقولوا ثورة تكنولوجيه

لا فى أصابع وخفية
ويمكن أشعة المحمول

بتهد فى خلايا فى عقول
وزمان ده كان عنوانه الذوق

ولا فى تشنج وكله هدوء
ايه اللى غير حال عن حال

واصبحت خيبة بشيال
كان الهدف هو التدمير

ويقولوا يعنى عليه تغيير
لكن أوروبا وألمانيا

شبابها فينتو من الثانية
يبنوا حضارة أوروبية

على أنقاض حضارة عربية
وبالرغم من كل التفريط

يبنوا فى قاعدة وقولوا شريك
ما تفوقوا بقى وكفاية تنطيط

انتوا العرب ده خربتوا البيت
شيلوا الغشاوة والشخابيط

واتحدوا مرة بقلب حديد
قبل الندم والحسرة تزيد

ولااهه تنفع ولالوم حيفيد.

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون