وتبقى معايا .. اشعار .. سعد المهدي من ديوان (رسالة حزينة) تحياتي جدو عبدو

وتبقى معايا 

الشوق واخدني إليك .. والفكر .. فيك سارح 
والعين نَظرة إليك .. ياللي جمالك طارح 
عاشق سحر عنيك .. وسهم رمشك الجارح 
مشتاق ! القلب إليك .. وقربك هو منايا 
مشتاق ! والشوق إليك .. قد أيه .. يا حبيبي .. زايد جوايا
مشتاق يا حبيبي إليك .. ترجع .. وتبقى معايا
********************
مرّت الأيام .. تتألم .. وانا الذكرى وحيد
في بُعدك الصبر .. اتكلم .. ليه حبيبك .. عنّك بعيد ؟
حبيبي عذاب.. وأي عذاب... لما يوم .. تغيب عن هوايا
حبيبي عذاب.. ايوه عذاب... لما بعدك .. يبقي منه أسايا
حبيبي عذاب .. و لسه عذاب .. كل ليلة وانت مش معايا
والليالي من غيرك مر .. وتمر .. تحكي تعبي وشقايا
وكفايا ياحبيبي .. كفايا .. بعدك عني .. كفايا ..
مشتاق يا حبيبي إليك ترجع .. وتبقى معايا
********************
حبيبي نفسي أقولك : كلمة حب .. لا ..
نفسي أغني لك : غنوة حب .. لا ..
نفسي أحلف لك .. إني لك .. لا ..
كل دا يا حبيبي .. ولسه جوايا
دَنا بحبك .. وبَحب حبك .. ومخلص لحبك
واقدم لك .. هدايا ..
قلبي هدية .. حُبي هدية .. فَرْحي هدية ..
شِعري هدية .. هدية لك
يا اغلى من كل الهدايا
مشتاق يا حبيبي إليك .. ترجع .. وتبقى معايا
********************
وتبقى معايا .. اشعار .. سعد المهدي
من ديوان (رسالة حزينة)