اجمل عيد .. كلمات .. سعد المهدي -- تحياتي جدو عبدو

اجمل عيد

اجمل عيد م الاعياد ..

بعد سنة م الميلاد مرت سنة على حبك ..

ولسه الشوق والع منقاد

اول شمعه تنور ليّ ..

انوار بالحب كانت قويه

ولسه الشمع هينور اكتر ..

وان شالله ينور لحد ميه

أول فجر فـ ليل طويل ..

وكان الفجر قبلك مستحيل

هل شعاعك نور ليلي ..

وخللى الليل معاك جميل 

ياللي شفت الخير علي وشه ..

زي طير دخل عشه 

عشك جنه وكل الدنيا ..

جواهر مكنونه ودهب قشه 

يبعد عنا كل الحساد ..

ولا يوم ابدا نبقى بعاد

ويجمعنا دايما نفس الميعاد ..

يا احلى ذكرى واحلى ميلاد

اجمل عيد .. كلمات .. سعد المهدي