فاتت سنه -------- بقلم خالد الكردي ---- تحياتي جدو عبدو

------------فاتت سنه -------------
فاتت سنه 
والحب بينا ع الورق
مقدرت انا 
اطفي نار قلب اتحرق
كل الوعود اتبدلت
صبحت سراب
ومشاعري ليك اتغيرت
كده م العذاب
كان نفسي افرح
يوم معاك انا بالهنا
خليتني ابني قصور
لحبك م الخيال
وسهرت احلم
بالدقايق والساعات
بس اكتشفت
القرب ليك شبه المحال
والعمر عدي
والتقيت الصبر طال
ورجعنا نسال
ع السبب انت وانا
جمعت ليك
كل الحروف وكتبتهم
حرفين سعاده وحرف
خوف انا عشتهم
وكتبت اسمك
ع السحاب فوق ف السما
نزلت مطر
مسحت حروفي جمعتهم
مالقتش منهم
غير يادوب حرفين ضنا
وفاتت سنه
--------------------فاتت سنه --------
بقلم
خالد الكردي