ومش هاقبل---------
ومش هاقبل
اكون كلمه ف كراسك
ولو هتجيني
وتقوللي انا ناسك
هاسيبك
لما يوم تبكي وتتألم
ومن نفسك
هترجع لية وتسلم
وهارفض
مش عشان مجروح
عشان انت
كمان رافض بحبي تبوح
كلامك لية كان عايم
مابين ايوه وبين لاء
هاقولك بص م الاخر
خلاص عندي ومش فارقه
تغيب تبعد وتنسي
اني محتاجلك
فا مش هاقبل
خلاص مابقتش اشتاق لك
ومش هاقبل---------
ومش هاقبل
اكون كلمه
بدون احساس
مجرد كلمه
في حروفها وف الكراس
ومش هاقبل
اكون لك اسم ف الدفتر
تغيب عنه وترجع
وقت ماتفكر
خلاص انسي
خلاص الوقت متاخر
------- ومش هاقبل----
ومش هاقبل
اكون صوره
تكمل بيها البومك
ولا هاقبل
اكون برفان
تعطر
ريحته في هدومك
ولا هاقبل اكون مكياج
تداري من وراه لونك
وانا كنت ف هواك فرحه
وياما شاركت
انا همومك
ولو ف الوحده
اكون عايش
فاكرم لي واشرف لي
ولا هاقبل اكون وياك
حبيب موجود
علي الهامش
ومش هاقبل
-------ومش هاقبل -------
كلمات
خالد الكردي
0 التعليقات :
إرسال تعليق