قصيدة الخروف
==========
قبل ماييجى العيد معروف
لازم نجيبه الاستاذ خروف
وحلمت بيه وبشعره الصوف
عامل كانيش وكمان منتوف
واسمه الجديد مخلوف منحوس
ماشى بيعدل فى الطربوش
وبلية بلدى تزيد فى دهون
وقرون بتنطح اى زبون
وبفروة ضانى تغطى الزور
للسلخ تنفع ام سرور
يدى الدعاء بالماء ماء ماء
يدولوا حلبة وعود برسيم
هو الضحية ورمزه جميل
فداء ورحمة لاسماعيل
ويقول بادبه نفسى اتكلم
قبل الضحية وابقى اسلم
ليه القسوة بينكو يا بنى ادمين
قتل فى حروب وتقولوا اسفين
وسياسة قذرة باسم الدين
كره وضغينة وكتير شاهدين
نفسى فى محبة بين الناس
وايمان برحمة وباحساس
فى الحركة بركة وفى التغيير
والوحدة تحمى وادى النيل
السلخ واجب بعد الدبح
دلوقت سلخ وقبل الدبح
حكمة فى خلقه ودور محدود
حيوان وانس والكون له حدود
كله يسبح بحمد الله
ولا يحصى نعمه جل علاه
انا الخروف مخلوف منحوس
بابعت تحية وبالمعروف
دم الخروف يغفر فى ذنوب
ودم الشهيد بيزيد فى ذنوب
كلوا فى لحومى وافتكرونى
وخلوا بالكوا من كتر دهونى
وبقرنى عمرى مااكون مكتوف
ده انا الضحية ولقبى خروف
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
0 التعليقات :
إرسال تعليق