قلب ف المفرمه ----- كلمات خالد الكردي ------ تحياتى جدو عبدو

-------

قلب ف المفرمه

-------
قصه غرامنا 
لسه جوه الملزمه
وصلت لدرجه 
حالتها كده متازمه
كلمتها
طب ساكته ليه اتكلمي
قالت عشان
حبك علاقه محرمه
علشان كده
دخلت قلبي المفرمه
قطعت شريان الغرام
يمكن يموت
او ينخرس فيا الكلام
ماسمع له صوت
الحب ليه
جوه القلوب بنحرمه
وكانه
ذنب بيرتكب ونجرمه
محبوسه جوانا المشاعر
من سنين
مشتاقه فينا
قلوب بتحلم بالحنين
والاه بتقتل
كل يوم فينا الامل
مكتوب علينا
نعيش ونغرق ف الانين
انا قلبي ليه
حاسس ف حبك بالغرق
خايف يفضض
حتي لوكان ع الورق
قصه غرامنا
في الحبال متعلقه
محبوسه فيها الكلمه
جوه الشرنقه
قصه غرامنا
لسه جوه الملزمه
علشان كده
دخلت قلبي المفرمه
-------قلب ف المفرمه -----
كلمات
خالد الكردي