قصيدة رمى الجمرات
============
============
مبروك عليك ده يا عم الحاج ده الحج بركة واحسن تاج
بدعوة منه هو دعاك لبيت نداءه كده فى الحال
وذهبت للبيت المعمور بكل لهفة وهنا وسرور
بلباس وأبيض للاحرام رمز الطهارة من كل حرام
وطفت فى الكعبة أشواط بدموع وتوبة بدون افراط
وبين الصفا والمروة كمان سعيت بشدة فى كل مكان
وشربت من مية زمزم بنية خالصة والله أعلم
ووقفت برضه على عرفات وحصلت على رحمة وبركات
وغفر ده ربك كل ذنوب لكل عاصى أتمنى يتوب
وكأنه طفل لسه مولود مغسول تماما من كل ذنوب
جايزة وعظيمة من الرحمن يعقبها برضه مسك الختام
وروحت ترمى فى الجمرات إبليس ورمزه لاعتبارات
ومهما قلنا ومهما نعيد اللى وقع محظوظ وشهيد
فى الجنة ونعيمها بيطير مع الملايكة والعصافير
وأن كان ده لينا وضع اليم لكن ده قدره بالتأكيد
وكأنه يوم الحشر تمام لكل كائن او انسان
لكن ده درس وعبرة اكيد لكل حاج وكل شهيد
الرمى رمز من الإنسان لابليس وعيلته والاعوان
بروية وهدوء ورحمة كمان وبدون تدافع او حتى زحام
والنية يعلمها الرحمن هو الكريم هو المنان
يارب أرحم جميع كل الأحياء باجابة منك لكل دعاء
ويارب يا عالم بالحال أصلح لنا جميع الاحوال
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
0 التعليقات :
إرسال تعليق