نوادر جحا------ بقلم خالد الكردي -- تحياتى جدو عبدو

----نوادر جحا-------
قول ياجحا وبصوت عالي
كلامك الموزون غالي
ف الحق مابتعرف اصحاب
ولا مره قولت فلان خالي
م العدل واخد دستورك
شاهد عليك فعلك قولك
لا مره قولت عشان احباب
هاسمح ماتاخد غير دورك
الصدق واضح ف كلامك
لا رضيت ف يوم تقفل بابك
حتي اللي جرحك بتسامحه
والطيبه والذوق عنوانك
طبعك كده وده من يومك
مابتشغل الناس بهمومك
واللي يقول انسان مغرور
بيعتذر لما يزورك
قلبك مايتاقل بالماس
شاعر جميل فنان حساس
ولك مواقف معروفه
بتحب تخدم كل الناس
----نوادر جحا------
بقلم
خالد الكردي