نسمة هوى----شعر د صبرى إسماعيل -- تحياتى جدو عبدو

نسمة هوى----شعر د صبرى إسماعيل
*******
نسمة هوى طارت على بحر الغرام
نسجت حروف الحب من سحر الكلام
وكتبتها أجمل نغم وسط الألام
*****
سكنت وريدى و راح لقلبى يبشّره
كانت فى حلم جميل وهو مفسّره
زى النسيم فى الفجرجاى يعطّره
*****
ألمح عنيها يدق قلبى وتفِرحه
وينط يرقص من جمالها بمطرحه
مابقاش يخاف ولا حد يقدر يجرحه
******
فى الرقة أيه والهمس أيه كله دلال
والسحر فوق الرمش الله ع الجمال
وبحبها أجمل نساء الكون مثال
******
يامعلمّانى الحب أزهار وابتسام
وسعادة فوق الوصف وعطور السلام
يارب يفضل حبنا همس وهيام