كل يــوم فى بيــنا حــــوار
بينــى وبيــنك ولعـــه ونـار
مـــرة حنين ومـــرة خصام
ومـــرة كمان بيـــلم الجـــار
ليـه معرفشى فيكٍ حنـــان
عايش قلبك وكلــه جنــــان
يقلب كل شـــــوية عليــــا
وناســى ان الحـــب أمـــان
أما خصـامك طـــول الوقـــت
ياختـى عليه رامى الصمــت
فاكـــر بـــس بضرب قلبـــــى
لــو فكـــرت يوم وسكّـــــت
وقـــت الحب يعينـــى عليهـا
تعيش الضحكـة تملى عنيهــا
ولمــا تحكـى معاها النـــاس
تلقــى لسانها سبقى ايديهـا
نفســـى أفــهم كل ده ليــــه
عملت أيه غير عشقى انا فيه
ودايمـا حافظ وعــدى معـــاها
وأعشق أشوف النور فى عنيه
ولــــو فكـــرت مــــــرة أنــــام
تيجــى هـــى تقـــولى ســلام
أجـــرى يا حبيبى شوف نسوانك
أصلك غـــاوى تعيش فى غرام
أحــلف ليهــــا بــرب الكـــــون
اٍن الحـــــــب معـــاها جنــــون
وأشد فى شعرى وأقول ياحبيبى
أهدى شويه ده انا فى حبك أدوب
يدخل عليها الـــــواد الجــــــن
اللـــى يخلى عقــــلها يـــــزن
تيجــــى عليــا تقـــلب فيــــــــا
أصل كـــلام الواد بالعقل يرن
فيــــن الوعــد اللى كتبنــــــاه
فى روح الحب وكمان عشنـــاه
علشان كلمـة فى الروح منسية
تيجى الآن ترمينى فى عــــلاه
--------------------------
---------------------------
بقلم - محمد لبيب مصيلحى
0 التعليقات :
إرسال تعليق