ظلمتك.. ياحظ .. كلمات .. سعد المهدي -- تحياتى جدو عبدو

معلهش ياحظ سامحني .. انا ياما قلت عليك كلام 

وكتير نعيت .. وظنيت ان مافيش بنا .. ابدا سلام 

مانا ياحظي .. كنت فاكر انك ظالمني 

ومن نعيم الدنيا .. حاسس انك حارمني 

حرمتني .. من كتير .. أشياء 

عذبتني .. بهجر ودموع وفراق 

وياما ليالي .. من وحدتي مليت 

وعلى حالي .. عيوني دمّعت وبكيت

حسيت ان حياتي كلها ظلام في ظلام 

اتاريك ياحظي .. مخبي لي .. ضحكة كبيرة .. 

فرحة كبيرة .. مفاجئة كبيرة .. ولا فـ الاحلام

ظلمتك ياحظي .. معلهش حقك عليا .. سامحني 

معرفش انك ف الأخر .. هتيجي .. يوم .. وتصالحني 

اصل من طبع الإنسان .. يتعجل الفرح قوام 

معلهش ياحظ سامحني .. انا ياما قلت عليك كلام 

ظلمتك.. ياحظ .. كلمات .. سعد المهدي