----------
سبع البيت
-----------
ديالوج غنائي
------- سبع البيت -----
هي--
اصحي ياراجل بص وشوف
والحقني راح اموت م الخوف
انا سامعه اصوات ف الشقه
هو انت عزمت لنا ضيوف
---------------------------------
هو-----
ياوليه اتهدي بقي ونامي
خليني اكمل احلامي
ياحلاوتك ع الدوم والتكه
اه ياصوفيا ارقصي قدامي
-------------------------------------
هي--
اتلم ياراجل ياعبيط
قوم هات لي بسرعه الكبريت
يا تقوم وتشوف مين ويانا
دي الشقه ساكنها العفريت
من بكره هتعمل لي الزار
وتجيب لي المنقد والطار
مش عارفه انا من اصواتهم
صدقني بجد وما هزار
-----------------------------------
هو------
راح اجيب لك كوديا تطفشهم
حركاتك دي مش هاتحشهم
وهيفضلوا يلعبوا ف دماغك
عارفينك وانا اصل عاريفهم
----------------------------------
هي--------
كوديت ايه هو انا مجنونه
انا شايفاه هنا ف البلكونه
عمال بيلعب ف حواجبه
يطنط قال ايه مش عاجبه
-----------------------------
هو-------
يطنط علي مين راح اجيبه
انا عارفه وعارف الاعيبه
لويدخل بطن امه هاروح له
وحلفت عشانك ماهاسيبه
----------------------------
هي----
تسلم لي ياسبعي يخليك
ياشايلني كده جوه عينيك
ايه ياراجل هتنام وتسيبني
طيب انا مش هاسال فيك
------سبع البيت-----
كلمات
خالد الكردي
0 التعليقات :
إرسال تعليق