عامهل-- من ديواني سر الحبق
-------------------------------
عصافير عينيي بتندهلك
تتخبرك قديش مشتقلك
ومتكَبْره بعدك عالعصافير
الكبره ما عادت بعد تلبقلك
تشرين صوب العمر عما يطير
يا ماشيه عالدرب عامهلك
ما عاد عنا وقت للتفكير
ولا عاد حاجه تسألي اهلك
طفل اللي حبك عمر صار كبير
وياريت مثلو تْكَبْري عقلك
من دون عطر وردك اذا بيصير
ما بينفعك برجك ولا سهلك
العيشه بتحلا كثير بالتدبير
عيشي معي يومين تا عشلك
بلكي حكايه للدهر منصير
وناي الوفا الحان تعزفلك
------------------------------
راضي مشيلح
0 التعليقات :
إرسال تعليق