نسمة شوق
من ديواني حفنة غزل
---------------------------
جيتي عَ بال القلم قلي تعا القاني
تا خُط حرف وحرف عسطور غفيانه
وان صار دمعي شعر وتزينوا الورقات
خُذهُن لصوب ال عادرب الحب مشّاني
وادعي معهُن ياربي ينعسوا النجمات
والقمر مثْلُن عيونُه تكون نعسانه
وانطرمعاهٌن لحتى يدرْجُوا النسمات
ووقتا اشلحهُن ع نسمة شوق غفلانه
بلكي عَ دارا بيعودوا يجددوا زيارات
وبتروح معهُن إنِتْ بالموسم الثاني
ونعزم ساعتها القمر نسهر على الشرفات
ونطفي نيران الجفا ال بلقلب شعلانه
وتا تظل ترقص عامرج خدودنا البسمات
وما نعود نترك زهور الروض ذبلانه
يالله تاندعي سوا ونزيد بالدعوات
ال سَرْقِت منامي ياربي تكون قلقانه
----------------------------------------
بقلمي راضي مشيلح
0 التعليقات :
إرسال تعليق