(( شلـون أعشقــك - وأقـول أهــواك )) ؟!!
بونـات الحِزن صاح النبض مِلتـاع
وعيونـي صارت للرافديـن منبـع
ونات العرب تجر بالكلـب صرخات
من صرختي يشيب الطفل الّ يرضع
هموم العروبة مثل مطر المـزون
ياليت - فيها غيث - وارضنا تنفـع
الدمار عـمّْ -والخايـن بلاده بـاع
و أوباش البشر في بلادنـا تِرتـع
شلون أضحك ونبض الكلب ملتاع
ما به فرح كبل الاقصى ما يرجـع
وعمري فدا بلاد العروبة يـهــون
كلبي بلهيب أحوالنا يحترق ويتوجع
وين العروبة من تاريخنا الّ ضاع
نبضي يكتل الأحرار-أراوحهم ينـزع
مثل اضاحي العيد دمنا يروي الكاع
من الذابح والمذبوح تكبيرهم نسمـع
نصيح بالمعتصم وإنّادي صلاح الدين
وشلون وعوفنا الدين - تاريخنا يرجع
باعوا العروبة يوم بـاعـوا فلسطين
كرسي الحُكم له جاذبية وبهِ المطمـع
مال ناطحْ السحاب لراعي البعاريـن
إنحصر فكره بكرسيه وفي المخـدع
في سبيل الكرسي يكتلوا الملاييـن
الكرسي يغري مثل الذهب الّ يلمـع
من ضحينا بصقر العـروبـة الشجـاع
حالنا يرثى له - وما عاد حل ينفـع
نبض كلبي يصيح وينتخي الأشـراف
غير ربي ما أخاف - لرحمته أتضـرّع
شلون تريد أعشقك-وأكول: أهـواك
مع نحر الضحايا - نبض الكلب يدمـع
ملاحظة :
حرف القاف باللهجة العراقية يُكتب ( كاف )
وقريباً سأسجلها فيديو بصوتي وبلهجة عراقية
مثلاً ( القلب ) -- ( الكلب )
.
الشاعر بلال القيسي
عمان - الأردن
السبت 23-4-2016
0 التعليقات :
إرسال تعليق