وباداري
وباداري ف قلبي وجع واهات
وبعيش وبغيّر ف اتجاهات
بحلم بالدنيا الصافيه ساعات
وابعد عن كل المنحنيات
عن خلق تحب تعيشها شمال
وضمير ف يمين بقي مش شغال
وبيمشوا طريق واحد معروف
مكتوب علي اليافطه طريق المال
ونفوس م الغيره بقت شايفه
الوان ف حياتها بتتغير
من كلمه حق بقت خايفه
تسمعها قلوبهم تتحير
ووشوش بسمتها دي كدابه
وبشر مخاليق بس ديابه
تتشطر علي خلق غلابه
حتي ف احلامهم بتسيطر
ف باداري في وجعي وباتحمل
ونصيب مكتوب له راح اسلم
وان كان ع الظلم اللي باشوفه
ف كفايه انا عايش باتعلم
وباداري
بقلم
خالد الكردي
0 التعليقات :
إرسال تعليق