قووووول .....يا قلم..... محمد ابو الفتح
قالوا ياقلم اكتب
نطق وقال القلم
ضاعـت مني الحــروف
ونشف كل الحبر من سني
وصبــح عن الكـلام مـكتـوف
قالوا قول ياقلم الحكاية
قال من اللي حـصل انا مـكسوف
شفت شباب وبنات مــن سنـي
تــاهوا في بحـــر الخـوف
وصرخنا كمل ياقلم حكايتك
احكـي وقول على المكشوف
وفي العراق قبل ليبيا
وغيـرها من بلاد العـرب موصوف
وسال حبر القلم على الورق
وكتب ده اللي جرى معروف
حلم الصبايا اتقتل في سوريا
واليمن تعال واتفرج وشوف
باكيين على امبارح خايفين
يجى بكرة وبصر الأمل مكفوف
اركب سفينة عينيك
وفي بحار الجنون
تعـال بحر وطـوف
حتشوف اطفال عرايا
ولحن الهموم على الوشوش معزوف
حتشوف صبايا حيارى
في الصحارى وبدل الصبية ألـوف
وبكينا من الالم ويا القلم
ونبض القـلب بيدوى زي الــدفوف
وسكت القلم
وققل الكتاب
وقال خلاص
السـن بقى مقصوف
محمد ابو الفتح.........
0 التعليقات :
إرسال تعليق