مستحيل
عايز تقول إنك نسيتني
مستحيل تستغني عني
لو أقسمت ١٠٠ يمين
مستحيل
دا إللي بينا عشرة سنين
إنت فاكر لما تعند
ولا تبعد
لما تغدر
ولا تهجر
إنك هاتكون سعيد
لالا مستحيل
دا إللي بينا حاجات كتير
إرجع للذكريات
ومع نفسك خد وهات
هاتلاقيني في كل حاجه
كنت دايما معاك
مش سيباك
هاتحس بروحي حواليك
هاتحس قلقي وخوفي عليك
هاتلاقي قلبي كان ملك ليك
عايز تقول إنك نسيتني
إنساني
إنسي الأمال والأماني
إنسي عهدي وزماني
إنسي عمري إللي غالي
وبلاش إنك تنام
وتقول كدا بقبت تمام
وتعيد الحلم من تاني
ويضيع منك في ثواني
وتلاقي نفسك وحيد
مش معايا أنا بالتحديد
لكن مع حد غيري
وقلبك لسه أسيري
ملك إيدي
وتعيش الغربه وسط أهلك
تحصد نتاج خيارك وجهلك
مش القسمه والنصيب
وساعتها جواك راح تجدني
وإنت واهم إنك نسيتني
واهم إنك نسيتني
بقلمي
صفاءعبد ربه
0 التعليقات :
إرسال تعليق