الناس شايفينك يادنيا واسعة
طـب ليه انا شايفك ضــيقة
قضيت كل عمري ماشي
في سكتك حافي ورجليا مشققة
فيك ناس عايشة في رواقة
وناس كتير عايشة في شــقى
وناس ساكنة في قصورك
وكتير مدفونه في تــربة محندقة
وناس بتغزل يوماتي من الهمــوم
توبها وناس تانية مــروقة
وناس بينها وبين السعادة تار
وناس غيرها في الفرح معشقة
ناس بتشرب مية هنا ونـــاس
بتشرب من نبع أحزان متعتقة
في ناس شايفينك عروسة عايقة
وطول النهار والليل متزوقه
وناس شايفة فيك دنيا حلوة
وعايشة في حبال الأوهـــام متعلقة
والكل في التراب بيتساوى
و ياريت نصحى يانــاس ونفوق بقى
محمد ابو الفتح...........
0 التعليقات :
إرسال تعليق