"ابن الحارة المصرية" بقلم بهاء اللبودى -- تحياتي جدو عبدو

مكتوب

فبطاقتى الشخصية

ان انا اسمر جنّى مصور 

وبلادى السحر الشرقية 

اكبر عاشق روحها الصادق 

استاذ فى الشوق والملاغية 

ومكتووب..

مكتوب فكتاب الجغرافيا 

ان بلدنا حجزت ناصية

فارضة الرؤيا 

على تِم الكوره الارضية

ومحفوور...

محفور على باب الأميرية

ان انا فارس 

وبانيها حارس

ساكن بمساكن شعبية 

ويحب الفول و الطعمية

ومشهوور ..

مشهور عنى... ان انا جدى

صيته معدى.. خدها تحدى

وزرعها بصبر وتضحية

وافخر بالقول كده ع العلنى

وبكل العز رافع يدى 

وسع يا حليوه انت وهى 

انا "ابن الحارة المصرية"

بقلم بهاء اللبودى