كل صبحيه
حبك يا حبيبي .. خلاني اصحى من نومي بدري
واجري .. اروح .. ع الناصية .. أشوفك وأنت معدي
ترميني بنظرة .. وأنا نظرة .. وتمر قوام وتعدي
لا كلمة تقولها .. ولا همسة .. تهدي نار قلبي
وأفضل واقف وحديه .. يوماتي .. كل صبحيه
***************************
شافوني .. سألوا عليا ؟ ليه واقف .. هنا وحديه ..
وانت يا حبيبي .. سايبني للحيرة تاخدني .. وتجيبني
عنيك .. مليانه حنيه .. وحب .. ولهفة عليا
اسرح فيهم ألاقيني .. معاك في فرحة هنيه
وأول ما تبص فـ عنيه .. تسرع ف الخطوة شوية
وتعدي وتسيبني .. وحديه .. يوماتي .. كل صبحيه
***************************
هوا دلالك دَ .. تماللي .. مَتحن عليا .. وعلي حالي
يا حبيبي حبك غالي .. بـ تقدم لك .. تبقى حلالي
تعيش معايا .. وتحلا لي .. الدنيا .. ويهدا لي بالي
واجي وامشي .. علي مهلي .. ومهما الناس تندهلي
مَقفش تاني .. وحدية .. يوماتي .. كل صبحيه
***************************
كل صبحيه .. كلمات .. سعد المهدي
0 التعليقات :
إرسال تعليق