لأول مره أنشر باللهجه الصعيدي
وهذا شرف لي أو من أن تروق لحضراتكم
بت يا بهانه
-------ه--------
بت يا بهانه
خليك فهمانه
في ناس حواليك
قلوبها مرضانه
ناس طمعانه فيك
وناس
بالروح تشتريك
وناس تانيه
عقولها خربانه
صحيح أولادك كتير
لكن مين فيهم
فيه الخير
أكيد إلي عنده
ضمير
وجواه الأمانة
طول عمرك
يا بت شقيانه
وفي الغلب
ويانا غلبانه
لكن يا بت
صابرة وحمدانه
أيوه عارف
إنك قاسيتي كتير
والمر شرباه
من ريس ووزير
وناس
قلوبها حمضانه
شايله هم
مثل الجبال
وعانيت ياما
من الاحتلال
وآخرتها إرهاب
إبن جربانه
لكن هقولك
والقول أمانه
فيك ناس زينه
وناس شينه
وناس
تمص الدبانه
وناس
تاج ع الراس
وناس عايزه
الف مداس
وناس
كلاب جربانه
فاكر يا بت
لما كنتي شبعانه
والعالم خيرك عليه
ومش عاطيه خوانه
دلوقتي يا غاليه
بقيتي فلسانه
وديونك كبيره
ولا ليك خزانه
لكنك عفيفه
ولا تقبلي إهانه
شوفتي يا بت
القرارات الجديده
هيضيفوا ضرايب
على حتة حديده
قانون إسمه
البرنجانه
إيوه برنجانه
لأنه مليان هبل
ضرايب مضروبة
بعقل اتخبل
حمير وعايزه
تروح الشفخانه
ع العموم يا بت
كل عام وأنت بخير
وقولي لولادك
يصحصحوا الضمير
ويغطوكوا
وما يتركوكي عريانه
أصل بصراحه انا بحبك
وما يهون على قلبك
خلاص بقى
ما تبقيش زعلانه
مع السلامه يا بت
والسلام أمانه
تبلغيه لكل شريف
وتعطيني عنوانه
بقلم الكاتب سامح محمد حسن حراز
⚫⚪🔴⚫
0 التعليقات :
إرسال تعليق